Badmintondeild
Árið hjá badmintondeildinni hefur verið viðburðarríkt hvað mótamál varðar og hafa bæði yngri og eldri iðkendur verið dugleg að mæta í þau mót sem hafa verið haldin á vegum annarra badmintonfélaga sem og Badmintonsambands Íslands.
Badmintondeildin hefur verið með æfingar bæði að Íþróttamiðstöðinni að Varmá í sal 1 og 2, þar sem hægt er að hafa 7 velli í hvorum sal, og Íþróttahúsinu í Lágafelli, þar sem hægt er að setja upp 3-4 velli.
Á haustönn breyttist aðstaða deildarinnar. Deildin hætti æfingum í Varmá og færði æfingar að hluta til í nýtt skólaíþróttahús við Helgafellsskóla en hélt þó áfram æfingum í Lágafelli. Til stóð
að færa allt starf deildarinnar í Helgafellsskóla en vegna lofthæðar var það ekki talið raunhæft fyrir alla flokka, afreks- og keppnisstarf þarf að vera staðsett í Lágafelli.
Æfingar yngri hópa, U9, U11 og U13, er eingöngu í Helgafelli og U15 og U17-19 á báðum stöðum. Meistaraflokkur er eingöngu í Lágafelli.
