Stjórn Hjóladeildar 2025-2026
Formaður: Gissur Örlygsson
Gjaldkeri: Kristín Sveinsdóttir
Meðstjórnendur:
Björgvin Þorsteinsson
Grétar Strange
Jóhann Þór Sveinsson
Jón Heiðar Hannesson
Þröstur Þorgeirsson
Árið 2025 einkenndist af uppbyggingu á barna- og unglingastarfi sem og af mótahaldi. Minna fór fyrir æfingum fullorðinna en þó var boðið upp á fjallahjólasamhjól án þjálfara yfir sumarið. Þetta er framhald á áherslubreytingum sem hófust 2024 þegar unglingastarf fór af stað og samningur við þjálfara fullorðinna rann út í lok þess árs. Deildin bauð auk þess á árinu í fyrsta sinn upp á sumarnámskeið fyrir börn 7-10 ára.
Helstu punktar í starfinu voru þessir:
- Boðið var upp á 1,5 klst. fjallahjólaæfingar fyrir unglinga á aldrinum 10-17 ára tvisvar í viku á þriðjudögum og fimmtudögum á tímabilinu 6. maí til 30. september. 23 voru skráðir á þessar æfingar. Í lok sumartímabilsins var haldið veglegt grill í Vallarhúsinu. Þjálfarar á þessum æfingum voru Jóhann Arnór Elíasson yfirþjálfari og Baldur Þorkelsson.
- Vegna fjölda áskorana var haldið áfram lengra inn í haustið og boðið upp á unglingaæfingar á laugardögum frá 4. október til 8. nóvember, 6 skipti, þar sem 20 krakkar voru skráðir. Í haustframlengingunni komu Helga Lísa Kvaran og Sól Snorradóttir til viðbótar inn sem þjálfarar.
- Fjögur fjögurra daga fjallahjólasumarnámskeið fyrir börn 7-10 ára voru haldin 10.-20. júní. Námskeiðin voru 3 klst. á dag, annað hvort fyrir eða eftir hádegi. Í allt tóku um 30 börn þátt. Námskeiðin tókust vel og börn og foreldrar lýstu ánægju. Sól Snorradóttir hélt utan um þessi námskeið og til að stoðar var Eyrún Bragadóttir.
- Deildin bauð upp á fjallahjólasamhjól fullorðinna þrisvar í viku yfir sumarið, frá maí og út september, bæði fyrir venjuleg fjallahjól og rafmagnsfjallahjól.
- Áframhaldandi samstarf var við Víking um gagnkvæma viðurkenningu á félagaaðild fullorðinna, sem þýðir að okkar félagar gátu sótt götuhjólaæfingar hjá Víkingi og Víkingar fjallahjólasamhjól hjá UMFA.
- 22.6. – Aftureldingar fjallabrunskeppni í Úlfarsfelli – 2. bikar. Alls tóku 37 keppendur þátt í mótinu.
- 16.8. – Reykjamótið – Íslandsmót í maraþonfjallahjólreiðum (XCM), í samstarfi við Breiðablik. Mótið fór fram í fyrsta sinn á nýrri 17,8 km braut með 500 m hækkun í Reykjafelli og Æsustaðafjalli, með rásmarki í Skammadal. Elite karla fór þrjá hringi, elite kvenna tvo hringi og aðrir einn hring. Boðið var upp á rafmagnshjólaflokk sem fór einn hring. Alls voru 36 keppendur skráðir til leiks.
- 17.8. – Aftureldingar fjallabrunskeppni í Úlfarsfelli – 4. bikar. 35 keppendur tóku þátt. Jóhann Arnór Elíasson átti veg og vanda að skipulagningu, undirbúningi og framkvæmd beggja fjallabrunsmótanna og var mótsstjóri á þeim.
- 28.8. – Fellahringurinn. Viðburðurinn er hluti af bæjarhátíð Mosfellsbæjar og samanstendur af litla og stóra hring, um 15 km og um 30 km hringjum í Mosfellsbæ og nágrenni. Hjóladeildin vann að mótinu í samstarfi við vaska sveit einstaklinga sem komu Fellahringnum á fót. Elías Níelsson var mótsstjóri. Þátttakendur að þessu sinni voru 103. Í fyrsta sinn var rafmagnshjólaflokkurinn fjölmennastur í stóra hringnum, með 40 þátttakendur á móti 39 í órafmögnuðum flokki.
- 18.10. – Íslandsmót í Cyclo-Cross 2025-2026, með Hjólreiðafélagi Reykjavíkur. Mótið fór fram í Gufunesi og mættu 34 keppendur til leiks.
Iðkendur frá Aftureldingu voru duglegir að taka þátt í mótum á vegum HRÍ árið 2025 og náðu frábærum árangri, voru iðulega á palli. Yfirlit yfir keppnir og árangur (sæti) er í viðauka aftast í skýrslunni. Nánari upplýsingar má finna á timataka.net.
Hjóladeildin hefur unnið að slóðagerð í Æsustaðafjalli í Mosfellsdal í samstarfi við Skóræktarfélag Mosfellsbæjar og IceBike og bættust þónokkrir kaflar við á árinu. Í maí og júní tók deildin einnig þátt í að gróðursetja um 3000 trjáplöntur í austurhlíðum fjallsins, m.a. í kringum hjólabrautina sem liggur þar niður.
IceBike og Mosfellsbær unnu að stækkun fjallahjólaæfingasvæðisins í Ævintýragarðinum, Flækjunnar. Lengri niðurleið með minni bratta en fyrri leiðir bættist við og einnig ný uppleið. Þetta er mikilvægt framlag til starfs deildarinnar þar sem Flækjan nýtist barna- og unglingastarfinu afar vel.
Rekstur deildarinnar gekk vel eins og ársreikningur ber með sér þannig að staðan er góð fyrir starfsárið 2026. Stærstu stuðningsaðilar deildarinnar í formi styrkja og annars konar framlaga voru IceBike, sem sá um veitingar eftir Reykjamótið, Stormur, Höfðakaffi og Svarta Perlan. Reykjabændur veittu góðfúslega aðgang að landi fyrir Reykjamótið. Að öðrum ólöstuðum skal einnig nefna Jón Björn Eysteinsson sem hefur stutt deildina dyggilega meðal annars í stígagerð og varðandi mótahald. Enn fremur gáfu mörg fyrirtæki útdráttarverðlaun í tengslum við Fellahringinn.
Viðauki
Árangur iðkenda Hjóladeildar Aftureldingar á mótum á vegum Hjólreiðasambands Íslands 2025
Bikarmót XCO Guðmundarlundi (18. maí)
U15
1 sæti Kristján Þór Jóhannsson
————————————————————————–
Fjallabrun í Stálpastaðaskógi í Skorradal – 1. bikar (8. júní)
A-Flokkur KK (Elite)
4 sæti Jóhann Arnór Elíasson
U17
4 sæti Kristófer Ragnar Sigurðsson
U13
1 sæti Bjarmi Sær Jónsson
U15
1 sæti Alexander Pham Guðmundsson
————————————————————————
Aftureldingar fjallabrunskeppni í Úlfarsfelli – 2. bikar (22. júní)
A-Flokkur KK (Elite)
1 sæti Jóhann Arnór Elíasson
U15 KK
1 sæti Alexander Pham Guðmundsson
U13 KK
1 sæti Bjarmi Sær Jónsson
Rafmagnshjólaflokkur KK
1 sæti Elías Leví Elíasson
————————————————————————
Íslandsmeistaramót í fjallahjólreiðum XCO (5. júlí)
U15 strákar
1 sæti Kristján Þór Jóhannsson
————————————————————————
Ungdúró HFA og Motul (18. júlí)
U15 KK
6 sæti Kristján Þór Jóhannsson
U13 KK
3 sæti Bjarmi Sær Jónsson
U11 KVK
1 sæti Maísól Mirra Jónsdóttir
————————————————————————
Downhill Greifans – Bikarmót í fjallabruni (20. júlí)
A-Flokkur KK (Elite)
10 sæti Jóhann Arnór Elíasson
13 sæti Elías Leví
U15 KK
7 sæti Kristján Þór Jóhannsson
U13 KK
4 sæti Bjarmi Sær Jónsson
————————————————————————
Ungdúró Ísafjörður (10. ágúst)
U13 KK
1 sæti Bjarmi Sær Jónsson
U11 KVK
1 sæti Maísól Mirra Jónsdóttir
————————————————————————
Reykjamótið – Íslandsmót í maraþon fjallahjólreiðum (16. ágúst)
Karlar C-flokkur
1 sæti Yngvi Guðmundsson
Karlar Rafmagnshjól
1 sæti Jón Pétur Magnason
————————————————————————
Aftureldingar fjallabrunskeppni í Úlfarsfelli – 4. bikar (17. ágúst)
A-Flokkur KK (Elite)
3 sæti Jóhann Arnór Elíasson
4 sæti Elías Leví Elíasson
U17 KK
3 sæti Kristófer Ragnar Sigurðsson
U15 KK
5 sæti Brynjar Kári jónsson
7 sæti Styrmir Blöndal Ingvarsson
U13 KK
1 sæti Bjarmi Sær Jónsson
————————————————————————
Íslandsmótið í Criterium (21. ágúst)
U15 strákar
1 sæti Kristján Þór Jóhannsson
————————————————————————
Fjallabrun HFA – 5. bikarmót (31. ágúst)
A-Flokkur KK (Elite)
3 sæti Jóhann Arnór Elíasson
————————————————————————
Ungduro HFR (21. september)
U15 KK
1 sæti Alexander Pham Guðmundsson
5 sæti Kristján Þór Jóhannsson
U13 KK
1 sæti Bjarmi Sær Jónsson
U11 KVK
1 sæti Maísól Mirra Jónsdóttir
2 sæti Hekla Kvam
Stórhöfða sérleiðin – ekki inni í heildarkeppni hjá U15 – U13 – U11
U15 KK
1 sæti Alexander Pham Guðmundsson
3 sæti Kristján Þór Jóhannsson
U13 KK
2 sæti Bjarmi Sær Jónsson
————————————————————————