Karatedeild
Árið 2025 gekk vel, ekkert alvarlegt kom upp og starfsemin með hefðbundnu sniði. Mót voru haldin sem okkar afreks iðkendur tóku þátt í með góðum árangri. Beltagráðun var haldin með sama sniði og vanalega.
Aðstaða deildarinnar er góð, en alltaf er hægt að bæta. Þakið lekur enn annað slagið fyrir ofan speglana. Við fylgjumst vel með því svæði höfum handklæði og fötu þar. Eftir að skrifstofa Aftureldingar kom á hæðina bættist við langþráð salernisaðstaða á hæðina.
Við fengum nýjar dýnir í allan salinn í sumar. Það mættu stjórnarmenn og foreldrar einn daginn og tóku upp gömlu dýnurnar, báru niðr 3 hæðir, þrifu salinn og lögðu niður nýjan völl karate megin. TKD kláraði sinn hluta síðar um sumarið. Nú ná dýnur veggja á milli ekkert bil á milli sem er slysagildra.
Deildin hefur verið að bæta við búnað sinn reglulega og keypt ýmis smá áhöld til að auka við fjölbreytni á æfingum.
Við keyptum góðan lager af göllum og beltum hjá Sportvörum í desember sem ættu að duga okkur næsta árið.
