Stjórn
Stjórn deildarinnar árið 2024:
Formaður – Rut Sigurðardóttir
Varaformaður – Ragnheiður Arnadóttir
Gjaldkeri – Thelma Rós Sigurðardóttir
Ritari – Málfríður Eva Jorgensen
Aðrir stjórnameðlimir – Ásgeir Sæmundsson
Breytingar urðu á stjórn deildarinnar á aðalfundi deildarinnar árið 2025. Thelma Rós Sigurðardóttir kom inn sem gjaldkeri í stað Ingibjörgu Mörtu Bjarnadóttur, annars engar aðrar breytingar.
Mannauðsmál
Vorönn 2024 voru 2 starfsmenn í 100% stöðugildi. Starfsmenn sem sinntu fullu starfi voru Bjarni Gíslason sem deildar og rekstrarstjóri og Anna Valdís Einarsdóttir sem yfirþjálfari keppnishópa. Árndís Birgitta Georgsdóttir og Kristín Rán Guðjónsdóttir voru í kringum 80% starfi sem þjálfarar. Önnur starfsgildi eða 47 þjálfarar voru í 40% starfshlutfalli og undir.
Haustönn 2024 voru 5 starfsmenn í 100% stöðu. Bjarni og Anna héldu áfram með sín verkefni og við bættust Árndís Birgitta, Eyþór Örn og Didrik Fröberg. Önnur starfsgildi eða 43 þjálfarar voru í 40% starfshlutfalli og undir.
Deildin leggur vinnu og fjármagn í þjálfun á yngri þjálfurum til að sporna við mannekluvanda í framtíðinni og styrkja bakland deildarinnar.
Vorönn 2025 voru 5 starfsmenn í 100% stöðugildi. Starfsmenn sem sinntu fullu starfi voru Bjarni Gíslason sem deildar og rekstrarstjóri, Árndís Birgitta Georgsdóttir sem yfirþjálfari keppnishópa, Didrik Fröberg og Eyþór Örn Þorsteinsson saman með strákadeildina og Rebecka Sofie Ledin kom inn sem yfirþjálfari yngri hópa. Önnur starfsgildi voru 47 þjálfarar í 40% starfshlutfalli og undir.
Haustönn 2025 voru 5 starfsmenn í 100% stöðu. Didrik datt út og í hans stað kom Jonas Young Lunde og einnig datt Eyþór út og í stað hans kom Signe Wolff. Önnur starfsgildi voru 43 þjálfarar í 40% starfshlutfalli og undir. Signe Wolff var sérstaklega fengin inn til þess að hefja uppbyggingu á nýrri grein innan deildarinnar sem eru Sýningarfimleikar.
Deildin hefur í 4 ár lagt markvissa vinnu og fjármagn í þjálfun á yngri þjálfurum til að sporna við mannekluvanda í framtíðinni og styrkja bakland deildarinnar. Þessi vinna hefur skilað af sér virkilega flottum þjálfurum og gerir deildinni kleift að veita öllum sem langar að æfa fimleika góða og persónulega þjónustu.
Húsnæði og áhöld
Árið 2025 fjárfesti deildin í myndavélum og sjónvarpsskjám upp á 1,6 milljón. Framkvæmdir í fimleikaæfingum eru teknar upp og sýndar á skjá svo bæði iðkendur og þjálfarar geta lært meira af hverri framkvæmd og séð atriði sem ekki var hægt að sjá áður. Búnaðurinn er sá fyrsti sinnar tegundar á Íslandi og kemur til með að gera góða þjónustu en betri.
Iðkendur
Iðkendum fjölgar og deildin stækkar á hverju ári. Ikendafjöldi að meðaltali árið 2024 var 575 og fór upp í 590 árið 2025. Það hefur lengi vel verið áskorun fyrir deildina að halda inni elstu iðkendunum og ekki langt síðan hámarks aldur deildarinnar var 12-13 ára, venjan var að hætta í fimleikum eða fara í annað félag. Í dag er elsti iðkandi deildarinnar 18 ára og útlit fyrir að deildin nái liði í elstu deild eða meistaraflokk, haustið 2026.
Búningar og fatnaður
Jako er ekki með fimleikafatnað svo deildin fær undanþágu til að vera í samstarfi við GK Iceland en þar kaupa allir keppendur keppnisgalla Aftureldingar.
Deildin kaupir alltaf í byrjun veturs þjálfaraföt frá Jako.
Sýningar og mótahald
Fimleikasamband Íslands úthlutaði deildinni Íslandsmót 2025 og þurfti deildin því miður að hafna því vegna þess að ekki var hægt að fá sal til að halda mótið. Íslandsmótið er sýnt í beinni á RÚV og hefði verið gaman fyrir deildina að taka þátt í slíku verkefni.
Deildin stóð fyrir hefbundnum undirbúningsmótum og innanfélgasmótum fyrir yngri flokkana.
Sumarnámskeið og sumaræfingar
Fimleikadeildin bauð upp á sumarnámskeið í 7 vikur yfir júní, júlí og ágúst. Þetta eru heilsdagsnámskeið sem bjóða upp á skráningar fyrir eða eftir hádegi sem opnar þann möguleika að tvinna saman önnur sumarnámskeið. Unnið er af heilindum til að þjónusta starfandi samfélagi sem best á meðan skólar eru ekki í gangi.
Fimleikadeildin fékk kærkominn stuðning og styrk frá Mosfellsbæ í formi 7 ungra starfsmanna sem komu úr vinnuskóla Mosfellsbæjar. Einnig fékk deildin fjárhagslegan styrk frá bænum sem samsvarar launum flokkstjóra vinnuskólans í tvo mánuði.
Fimleikadeildin hélt úti sumaræfingum í júní og ágúst sem hafa vaxið í vinsældum og má rekja til aukins áhuga og metnað iðkenda.
Árangur
Vorönn 2025 skráði deildin 15 lið eða 160 keppendur á 4 mót. Þegar skráningu var lokið á GK mótið yngri flokka sem er fyrsta mótið á árinu þá kom í ljós að Fimleikadeild Aftureldingar heldur velli sem stærsta félagið í hópfimleikum yngri flokka á íslandi, næst stærsta félagið er Fimleikafélagið Gerpla.
Úrslit móta
Heilt yfir eru lið deildarinnar að standa sig vel á mótum, ýta undir stolt deildarinnar og fá jákvæða umfjöllun innan fimleikahreyfingarinnar.
Liðin setja sér misjöfn markmið á hverju móti, eins og að stefna á viss sæti, klára nýjar æfingar, ná betri liðsheild eða læra að stjórna kvíða og stressi. Liðin okkar eru almennt að koma vel út á mótum og standa yfirleitta í efstu 4 sætunum í hverjum flokki fyrir sig.
Helstu úrslit móta árið 2025:
- flokkur í blönduðum flokki urðu Bikarmeistarar 2025 og höfðu betur á móti Selfoss, Gerplu og ÍA.
- flokkur í blönduðum flokki náðu silfrinu á Íslandsmóti 2025.
- flokkur kvk í stökkfimi tók 3ja sætið á haustmóti 2025.
- KKY yngri flokkur tók silfrið á GK móti yngri flokka.
- flokkur kvk B lið tók silfur í B deild á GK móti yngri flokka.
Landslið og úrvalshópar
Ekkert landsliðsverkefni fór fram árið 2025 og engin verkefni sem teljast til undirbúnings landsliða.
Æfingabúðir og aðrar ferðir
Deildin fór í samvinnu með fimleikadeild ÍA og bjó til sameiginlegt lið sem hér AfturÍ. Markmiðið var að setja saman tvö lið sem uppfylltu ekki kröfur til þátttöku á Norðurlandamót 2025 í sitthvoru lagi en með sameiningu að þá væri hægt að taka þátt á mótinu. Samstaða liðanna tveggja og frammistaða sameiginlegs liðs á mótaröð 3 sem fór fram á vorönn 2025 uppfyllti allar kröfur til þátttöku á NM 2025. Fimm iðkendur frá Aftureldingu enduðu í lokahóp sem keppti á mótinu og er þetta þá í fyrsta skipti sem deildin tekur þátt á alþjóðlegu móti í fullorðinsflokki.
Deildin stóð fyrir æfingabúðum í Helsinge, Danmörku dagana 8.-15. Júní fyrir elstu iðkendur deildarinnar. Búðirnar heppnuðust vel og komu 47 iðkendur ásamt 10 manna stuðningsteymi glaðir heim eftir ferðina. Markmið deildarinnar hefur verið að standa fyrir slíkum ferðum á tveggja ára fresti.
Uppskeruhátíð UMFA
Tilnefningar deilarinnar:
Fimleikamaður ársins – Styrkár Vatnar Reynisson
Fimleikakona ársin – Sara María Ingólfsdóttir
Tilnefning deildarinnar til þjálfara ársins – Árndís Birgitta Georgsdóttir
Tilnefning deildarinnar til vinnuþjark ársins – Rut Sigurðardóttir
Tilnefning deildarinnar til hvatabikar aðalstjórnar – Rebecka Sofia Ledin
Þakkir frá Aftureldingu – Fyrirtækið Ofar (Origo)
Árndís Birgitta Georgsdóttir var svo valinn þjálfari ársins hjá UMFA sem er mikill heiður.
Áform um áhaldakaup
Síðast liðin ár hefur deildin verið í sókn þegar kemur að áhaldakaupum og fjárfestingum í betri aðstöðu.
Árið 2026 verður stefnan tekin á stökkhest.