Sunddeildi Aftureldingar skiptist í eftirfarandi hópa:

Höfrungahóp, Seli, Brons, Silfur og Gull A og Gull B. Einnig hélt deildin úti 6-8 vikna námskeiðum fyrir leikskóla aldur, Fjör í vatni. Við skiptingu iðkenda í hópa er tekið mið af bæði fjölda og getustigi þeirra, með það að markmiði að tryggja jafnvægi og stuðla að markvissri færniþróun innan hvers hóps. Árið 2025 voru 96 iðkendur sem er fækkun frá fyrra ári.

Árið 2025 reyndist krefjandi fyrir deildina hvað varðar þjálfaramál. Á haustönn var Birgitta ráðin til starfa sem yfirþjálfari, en hún fór í fæðingarorlof um áramótin. Skortur á þjálfurum hafði í för með sér ákveðið brottfall iðkenda. Stjórn deildarinnar hefur því lagt aukna áherslu á uppbyggingu starfsins á seinni hluta árs 2025 og í upphafi árs 2026.

Þjálfaramál

Þjálfarateymi ársins 2025 samanstóð af Kristni, sem gegndi stöðu yfirþjálfara framan af ári en lét af störfum snemma árs, og Birgittu sem tók við starfinu síðar á árinu. Auk þeirra störfuðu Gunnar Freyr, Eyrún Anna og Jakop sem þjálfarar.

Stjórn deildar

Stjórn deildarinnar árið 2025 var skipuð Brynjari formanni, Elínu gjaldkera, Söndru ritara og meðstjórnendunum Agnesi, Hörpu og Sigurði.

Mótamál

Gullhópur deildarinnar er sterkur og samanstendur af metnaðarfullum og áhugasömum iðkendum. Þrír iðkendur tóku þátt í framtíðarhópi Sundsambands Íslands (SSÍ), og tveir þeirra náðu lágmörkum fyrir þátttöku á Íslandsmóti (ÍM25).

Iðkendur tóku þátt í fjölda móta líkt og á undanförnum árum, og árangur þeirra endurspeglaðist í verðlaunafjölda sem nam hundruðum.

Íþróttamaður og -kona Aftureldingar 2025

Sunddeildin er að stórum hluta skipuð ungum iðkendum og því voru engir tilnefndir til titilsins íþróttamaður eða -kona Aftureldingar árið 2025. Á árlegum viðburði Aftureldingar, Íþróttamaður Aftureldingar 2025, voru þó veitt viðurkenningar fyrir efnilega iðkendur; þau hlutu Bjarki Ragnar og Margrét Brynja.