Aðalfundur

Aðalfundur badmintondeildar Aftureldingar var haldinn mánudaginn 8. apríl 2025.

Á fundinum voru hefðbundin aðalfundarstörf og kosning stjórnar.

Stjórn

Ný stjórn var kosin á fundinum og skipti hún með sér verkum.

Ný stjórn var sem hér segir:

• Jónatan Þór Jónasson – Formaður
• Inga María Ottósdóttir – Gjaldkeri
• Halldór Magni Þórðarson – Meðstjórnandi
• Gunnar Geir Pétursson – Meðstjórnandi
• Viktor Þórir Ström – Meðstjórnandi
• Sunna Karen Ingvarsdóttir – Meðstjórnandi

Mótanefnd er skipuð sem hér segir; Arnar Freyr Bjarnason, Ólafur Páll Bjarkason og Sunna Brá Stefánsdóttir. Hlutverk mótanefndar er að sjá um allt skipulag í kringum mótahald badmintondeildar Aftureldingar, en deildin er með eitt mót á haustönn og eitt á vorönn.

Í skemmtinefnd voru áfram þær Sunna Karen Ingvarsdóttir og Arndís Sævarsdóttir.

Hlutverk skemmdinefndar er að skipuleggja og sjá um félagslega viðburði utan æfinga.

Þjálfarar

Þjálfarar deildarinnar á vorönn voru Anna Margrét Guðmundsdóttir (yfirþjálfari), Andrés Ásgeir Andrésson, Árni Magnússon, Bjarni Sverrisson, Einar Örn Þórsson og Sara Jónsdóttir. Aðstoðarþjálfarar voru Anna Bryndís Andrésdóttir, Björn Helgi Þórarinsson, Grímur Freyr Björnsson og Sunna María Ingólfsdóttir.

Breytingar urðu á þjálfarateymi á haustönn en Sara og Bjarni duttu úr þjálfarahóp og Kimiasadat Jalalichimeh bættist við. Aðstoðarþjálfarar breyttust líka en Anna, Björn og Grímur duttu út og við bættist Freydís Sara Sverrisdóttir.

Æfingar og iðkendur

Badmintondeild Aftureldingar samanstóð af 6 hópum, U9, U11, U13, U15-19, fullorðinshóp og meistaraflokk. Á haustönn breyttist U15-19 flokkur í U15 annars vegar og U17-19 hins vegar, vegna fjölgunar iðkenda.

Á vorönn voru skráðir 64 iðkendur í U9-U19 hópana, og 41 í fullorðinshóp og meistaraflokk.

Á haustönn voru skráðir 58 iðkendur í U9-19 hópana, og 35 í tvíliðaspili og meistaraflokk.

Á haustönn var þó enginn tími fyrir fullorðinshóp þar sem ekki fannst hentugur tími né þjálfari fyrir hópinn. Anna Margrét yfirþjálfari stóð fyrir byrjendanámskeiði fyrir fullorðna á haustönn.

U9 hópurinn var með fastan tíma 2x í viku, U11 2x í viku, U13 2x í viku, auk þess sem keppnishópur U13 var með eina auka æfingu í viku. U15 var með 3x í viku auk 1x auka fyrir keppnishóp U15. U17-19 var með 4 fastar æfingar í viku.

Á vorönn var fullorðinshópurinn með fasta tíma 2x í viku með þjálfara og kúlum en á haustönn var einungis um stök námskeið í boði. Meistaraflokkur var með aðgang að sömu tímum á vorönn en á haustönn með 2 fasta æfingar í viku auk þess sem Mfl hafði aðgang að Tvíliðaspili.

Tvíliðaspil á mánudögum var viðbót á haustönn og tókst vel til. Var æfingin hluti af föstum æfingum U17-19 og lang stærstur hluti meistaraflokks er hluti af spilinu.

Starfsemi

Árið hjá badmintondeildinni hefur verið viðburðarríkt hvað mótamál varðar og hafa bæði yngri og eldri iðkendur verið dugleg að mæta í þau mót sem hafa verið haldin á vegum annarra badmintonfélaga sem og Badmintonsambands Íslands.

Vorönn

Til að kynna yngri iðkendur betur fyrir keppnishaldi þeirra eldri var farið í vettvangsferð í janúar á RSL Iceland mótið. Þjálfarar og aðstoðarþjálfarar hjálpuðust að við að koma hópnum í strætó niður frá Mosó og í TBR í Gnoðavogu þar sem horft var saman á nokkra leiki og nutu svo pizzuveislu upp í matsal TBR áður en foreldrar sóttu bornin.

Í febrúar var haldið unglingamót Aftureldingar, en alls tóku 119 einstaklingar þátt í mótinu.

Í æfingabúðum BSÍ í mars var sérstök úrtaksæfing fyrir ungar badmintonstelpur og voru þar tvær stelpur úr röðum Aftureldingar.

Þjálfararnir Addi og Anna Margrét skipulögðu og fóru með um 30 ungmenni á æfingabúðir á Laugavatni sem heppnuðust gífurlega vel.

Eftir að vorönn lauk hélt badmintondeildin sumarnámskeið í fyrsta skiptið, sem heppnaðist mjög vel.

Góður árangur var á mótum á vorönn, en helst bera að nefna:

• Meistaramót TBR
  • Arndís fékk gull í 1. Deild tvíliða kvk ásamt meðspilara Sigrúnu M.
  • Einar Örn og Arndís fengu silfur í 1. Deild tvenndar
  • Andrés Ásgeir og Anna Bryndís fengu gull í 2. Deild tvenndar
  • Sunna Karen fékk gull í 2. Deild einliða kvk
  • Anna Bryndís og Sunna Karen fengu gull í 2. Deild tvíliða kvk
  • Arnar Freyr og Halldór Magni fengu silfur í 2. Deild tvíliða kk
• Óskarsmót KR
  • Inga María og Sunna Karen fengu gull í 1. Deild tvíliða kvk
  • Einar Örn og Kristján Hrafn fengu silfur í 1. Deild tvíliða kk
  • Egill Þór og Sunna Karen fengu gull í 2. Deild tvenndar
• Reykjarvíkurmót fullorðinna
  • Arndís fékk silfur í 1. Deild tvíliða kvk ásamt meðspilara Sigrúnu M.
• Meistaramót Íslands
  • Arndís fékk silfur í 1. Deild tvíliða kvk ásamt meðspilara Sigrúnu M.
  • Sunna Karen fékk gull 2. Deild einliðaleik kvk
  • Inga María og Sunna Karen fengu silfur í 2. Deild tvíliða kvk

Þá er ótalin góð þátttaka og frábær árangur yngri iðkenda í mótum á vorönn.

Haustönn

Að venju byrjar haustið á Meistaramóti UMFA í Varmá, færri þátttakendur voru í mótinu en oft áður þar sem mótanefnd Badmintonsambandsins skipulagði tvö mót á sömu helgi sem tilraun til að fækka keppnishelgum, og sumir keppendur þurftu því ýmist að velja á milli mótanna eða forgangsraða þjálfun á öðru móti yfir keppni á hinu. Ekki er stefnt að því að hafa þetta með þessu sniði aftur.

Ákveðið var að byrja með tvíliðaspil sem heppnaðist vonum framar og lítur út fyrir að verður fastur liður héðan í frá.

Kósýkvöld, badminton með pizzu, djús og bíó, var haldið í lok nóvember og byrjun desember fyrir barna- og unglingahópana.

Eins og áður voru iðkendur duglegir við að taka þátt mótum, og helst ber að nefna:

• Meistaramót UMFA
  • Sunna Karen fékk silfur 1. Deild einliðaleik kvk
  • Arndís fékk gull 1. Deild tvíliðaleik kvk ásamt Sigrúnu M.
  • Kimiasadat fékk silfur 2. Deild einliðaleik kvk
  • Ástþór Gauti og Stefán E. fengu gull í 2. Deild tvíliðaleik kk
  • Árni M. og Viktor Þórir fengu silfur í 2. Deild tvíliðaleik kk
  • Anna Bryndís og Kimiasadat fengu gull í 2. Deild tvíliðaleik kvk
  • Egill Þór og Sunna Karen fengu gull í 2. Deild tvenndarleik
• TBR Opið
  • Kristján Hrafn og Ólafur Páll fengu silfur í 2. Deild tvíliðaleik kk
  • Anna Bryndís og Eva Ström fengu silfur í 2. Deild tvíliðaleik kvk

Þá er ótalin góð þátttaka og frábær árangur yngri iðkenda í mótum á haustönn.

 

 

 

 

 

 

 

Björn Helgi Þórarinsson og Sunna María Ingólfsdóttir tóku á móti verðlaunum sem efnilegustu iðkendurnir undir 16. ára og Anna Bryndís Andrésdóttir og Eva Ström fengu viðurkenningu fyrir þátttöku í landsliðsverkefnum á árinu.

Aðstaðan

Badmintondeildin hefur verið með æfingar bæði að Íþróttamiðstöðinni að Varmá í sal 1 og 2, þar sem hægt er að hafa 7 velli í hvorum sal, og Íþróttahúsinu í Lágafelli, þar sem hægt er að setja upp 3-4 velli.

Á haustönn breyttist aðstaða deildarinnar. Deildin hætti æfingum í Varmá og færði æfingar að hluta til í nýtt skólaíþróttahús við Helgafellsskóla en hélt þó áfram æfingum í Lágafelli. Til stóð að færa allt starf deildarinnar í Helgafellsskóla en vegna lofthæðar var það ekki talið raunhæft fyrir alla flokka, afreks- og keppnisstarf þarf að vera staðsett í Lágafelli.

Æfingar yngri hópa, U9, U11 og U13, er eingöngu í Helgafelli og U15 og U17-19 á báðum stöðum. Meistaraflokkur er eingöngu í Lágafelli.

Fjármál

Badmintondeild Aftureldingar stendur vel hvað fjármálin varðar og hefur það verið svo undanfarin ár. Eiginfjárstaðan er góð og hafa tekjur deildarinnar staðið undir útgjöldum s.l. ár. Deildin hefur ekki verið að taka þátt í fjáröflunum en iðkendur hafa þó verið að taka þátt í fjáröflunum á vegum Aftureldingar. Tekjur deildarinnar samanstanda aðallega af æfingagjöldum, framlögum og styrkjum ásamt tekjum af mótahaldi. Stærsti útgjaldaliðurinn er laun og verktakagreiðslur, áhalda- og tækjakaup (aðallega fjaðraboltar) ásamt þátttöku í mótum.

Aðstaða

Framtíðarstefna deildarinnar hefur verið svipuð undanfarin ár en hún er að breiða út íþróttina,

fjölga iðkendum og lágmarka brottfall í barna- og unglingastarfinu sérstaklega. Sérstök áhersla hefur verið á að byggja upp eldri unglingahópa og minnka brottfall úr hópnum. Hefur það tekist mjög vel, en U15-19  hópnum var skipt í U15 og svo U17-19 á haustönn vegna fjölda þeirra sem héldu áfram. Ef fram sem horfir það að skipta þessum hópum upp enn frekar og úthluta sér æfingatímum.

Þá hefur það einnig verið ákveðið markmið að auka gæði í þjónustu deildarinnar, bæði hvað varðar þjálfunarstarfið en einnig hvað varðar aðstöðuna og æfingatíma. Félagslegi þátturinn hefur einnig verið mikið í umræðunni og hefur stjórnin rætt mikið um að vilja virkja iðkendur í að skipuleggja viðburði fyrir hópana til að hrista fólk saman. Hluti af félagslega þættinum ekki síður en þjálfunarstarfinu er að fara í æfingaferðir með krakkana.

F.h. stjórnar

Jónatan Þór Jónasson formaður